2014-01-25 19:14

კვირას, 26 იანვარს, 17 საათზე მოქალაქეთა ჯგუფი შარდენის სკვერში სოჭის ოლიმპიადის საწინააღმდეგო აქციას გეგმავს.

ამჯერად აქციის მონაწილეები ქართველ სპორტსმენებს მოუწოდებენ, არ გაემგზავრონ სოჭში. აქცია „ფეისბუქზე“ დაანონსდა და აღწერაში ნათქვამია:

„სამწუხაროდ, ჩვენმა ხელისუფლებამ და ოლიმპიურმა კომიტეტმა ვერ გაბედა მკაფიო პოზიციის დაფიქსირება და არ გამოუცხადა ბოიკოტი სოჭის ოლიმპიადას. ამიტომ იქნებ სპორტსმენებს ვთხოვოთ, არ წავიდნენ პუტინის სისხლიან ოლიმპიადაზე და ამით დაიცვან საქართველოს ღირსება“.