2014-01-25 18:23

“ერისიონი“  აპრილში გასტროლებით მოსკოვში მიემგზავრება. ამის შესახებ news.ge-ს ანსამბლის სამხატვრო ხელმძღვანელმა ჯემალ ჭკუასელმა განუცხადა. 

ქართული ხალხური სიმღერისა და ცეკვის სახელმწიფო აკადემიური ანსამბლი"ერისიონს" მოსკოვში, კრემლის საკონცერტო დარბაზში კონცერტი 14 აპრილს აქვს დაგეგმილი. “ეხლა 2 გზის მოღალატე ვიქნები“, - აღნიშნა იუმორით ანსამბლის სამხატვრო ხელმძღვანელმა ჯემალ ჭკუასელმა. 

შეგახსენებთ, რომ „ერისიონი“ რუსეთში გასტროლებზე 2013 წლის მარტშიც იმყოფებოდა, საქართველოში დაბრუნების შემდეგ კი ანსამბლის სათაო ოფისთან საზოგადოების ნაწილმა დევიზით "ნუ უცეკვებ მტერს!" – "ერისიონს" საპროტესტო აქცია მოუწყო.