2014-09-10 17:45

ქუთაისში კინოთეატრ "სულიკოსთან" პატრულმა ახალდაქორწინებული წყვილი საკუთარ ქორწილშივე დააკავა, თუმცა თვითმხილველების ინფორმაციას სხვაგვარად აღწერენ შსს-ს პრესსამსახურში, სადაც ამბობენ, რომ მხოლოდ მამაკაცი დააკავეს და როცა გაიგეს, რომ სიძე იყო, ხელწერილით გაათავისუფლეს.

"შემთხვევას საკუთარი ფანჯრიდან ვადევნებდი თვალ-ყურს, გოგონას სადედოფლო კაბა ეცვა და ამით მივხვდი, რომ სიძე და პატარძალი დააკავეს. სავარაუდოდ, მაყრიონი იყო, რადგან ბევრი მანქანა მოძრაობდა ერთად, რა დროსაც ისინი პატრულმა გააჩერა და სიძე-დედოფალი დააკავა", - აცხადებს თვითმხილველი სოფო გაჩეჩილაძე.