2014-09-10 17:32

შემთხვევა 9  სექტემბერს, დაახლოებით ღამის ორ საათზე, ქუთაისში კინოთეატრ „სულიკოსთან“ მოხდა. თვითმხილველების ინფორმაციას სხვაგვარად აღწერენ შსს-ს პრესსამსახურში, სადაც ამბობენ, რომ მხოლოდ მამაკაცი დააკავეს და როცა გაიგეს, რომ სიძე იყო, ხელწერილით გაათავისუფლეს.

„საკუთარი ფანჯრიდან ვადევნებდი თვალ-ყურს, გოგონას სადედოფლო კაბა ეცვა და ამით მივხვდი, რომ სიძე-პატარძალი დააკავეს.

სავარაუდოდ, მაყრიონი იყო, რადგან ბევრი მანქანა მოძრაობდა ერთად,“ -განაცხადა თვითმხილველმა სოფო გაჩეჩილაძემ.

ინფორმაციის გადასამოწმებლად Ambebi.ge შსს-ს დაუკავშირდა. უწყება ფაქტს ადასტურებს და განმარტავს:

„აღნიშნული პიროვნება სიჩქარის გადაჭარბებით მოძრაობდა, რისთვისაც გააჩერა პატრულმა.

მან სამართალდამცავებს წინააღმდეგობა გაუწია.

მძღოლი აღმოჩნდა ნასვამი, თუმცა როდესაც პატრულმა გაარკვია, რომ დაკავებული სიძე იყო, ის ხელწერილის საფუძველზე გაათავისუფლეს“.