30 აგვისტოს გვიან ღამით ამოვარდნილმა ქარიშხალმა თელავის რაიონის სოფელ გულგულაში საცხოვრებელ სახლებს სახურავი გადახადა.
ერთ-ერთი სახლიდან მოგლეჯილი სახურავი გარე განათების ბოძს დაეცა, რამაც ელექტოენერგიის გათიშვა გამოიწვია.
ენერგეტიკოსები სავარაუდოდ, დღის ბოლომდე შეძლებენ ელექტოენერგიის აღდგენას.
ძლიერი ქარის გამო ჩამოშლილმა სახურავმა სოფლის განაპირას მდებარე ფერმაში 20 სული საქონელი ქვეშ მოიყოლა.
ქარიშხალს თან ძლიერი სეტყვაც დაემატა. დასეტყვილია გულგულისა და სოფელ ვარდისუბნის ვენახები.
სტიქიასთან დაკავშირებით შეიქმნა სპეციალური კომისია, რომელიც მოსახლეობისთვის მიყენებულ ზარალს დაითვლის.