რუსული ტელეარხ „დოჟდის“ ჟურნალისტმა ვლადიმირ რომენსკიმ, რომელიც ფსკოვში ჩავიდა და სასაფლაოზე იღებდა სიუჟეტს დაღუპული რუსი მედესანტეების შესახებ, „კაცებისკან შავებში“ მიიღო რჩევა, არც კი ეცადოს რამის გარკვევას.
ამის შესახებ ტელეარხი „დოჟდი“ იტყობინება. ვიდეოში რომენსკი ჰყვება იმის შესახებ, თუ რა რეაგირება ჰქონდათ დაღუპულთა ახლობლებს ჟურნალისტების გამოჩენაზე და და რატომ ემუქრებიან ამ თემაზე მომუშავე ჟურნალისტებს უცნობი პირები.
ამას გარდა, რომენსკი სიუჟეტში ჰყვება იმის შესახებაც, რა გახდა რუსი მედესანტეების გარდაცვალების მიზეზი - ის, რაც ოფიციალურ ცნობებშია მითითებული. სამედიცინო დოკუმენტაციიდან ირკვევა, რომ სამხედროები, რომელთა უმრავლესობა ახალგაზრდაა, ინფარქტისა და ინსულტისგან დაიღუპნენ.