ახალი წლიდან მძღოლები, რომლებსაც ავტოდაზღვევა არ ექნებათ, დაჯარიმდებიან. შესაბამისი კანონი ძალაში 2015 წლის 1 იანვრიდან შევა.
ამ ეტაპზე კანონპროექტი მზადდება, რომლის მიხედვითად დაზღვევის კონკრეტული დეტალები ზუსტდება. როგორც დაზღვევის სახელმწიფო ზედამხედველობის სამსახურის ხელმძღვანელმა ლაშა ნიკოლაძემ განაცხადა, იურიდიული საკანონმდებლო ჩარჩოს ტქნიკური ნაწილი დასრულების ფაზაშია. ჯერ-ჯერობით უცნობია ავტოდაზღვევის ღირებულება, თუმცა როგორც დაზღვევის სახელმწიფო ზედამხედველობის სამსახურში განმარტავენ, ყველაფერი კეთდება, რათა სავალდებულო დაზღვევა მძღოლებისთვის მაქსიმალურად ხელმწისაწვდომი იყოს. ამჟამად ქვეყანაში არსებული ავტოსატრანსპორტო საშუალებებიდან მხოლოდ 60–დან 80 ათასამდე ერთეულია დაზღვეული.