2014-08-25 13:20

აღნიშნულის თაობაზე ცნობილმა ექსტრასენსმა  ერთ-ერთ რუსულ ინტერნეტგამოცემას ინტერვიუ მისცა.

„1986 წელს სიდნეიში ტრადიციული და ალტერნატიული მედიცინის ფორუმზე მიმიწვიეს. წასასვლელად ვემზადებოდი, როცა ალა პუგაჩოვასგან მივიღე მოწვევა. უარი ვთქვი, მაგრამ შვილმა მირჩია, იქნებ პრობლემა აქვს, ცუდად არის და იმიტომ გთხოვს მისვლასო.

ამიტომაც დავთანხმდი და მასთან მივედი... არავითარი ავადმყოფობა, მის სახლში სმა და დროსტარება იყო გაჩაღებული. ალამ  ბოკალი გამივსო და დალევა შემომთავაზა. მე საერთოდ არ ვსვამ, ამიტომაც უარი ვუთხარი.

ამ დროს ალა მომვარდა, თმაში ხელი მტაცა, მთელი ძალით მომქაჩა და სტუმრების გასაგონად დაიყვირა, ახლავე დალიეო. ყველას წინაშე დამამცირა. მე მუშტი ამოვარტყი მკერდში, მაგიდიდან ბროლის ლარნაკი ავიღე და თავში ჩავარტყი.

მერე მის ყელსაბამს ჩავაფრინდი. ყველანი ჩვენს გვაშველებდნენ, მაგრამ ხელი ვერ გამაშვებინეს. უკვე გონება მქონდა გადაკეტილი. თვალიც გავუხეთქე და ტუჩიც. ამის მერე გაიკეთა ალამ პირველი პლასტიკური ოპერაცია. მისი სახლიდან როგორ გამოვაღწიე, აღარ მახსოვს“, - ყვება ჯუნა დავითაშვილი.

ნათელმხილველმა ამ დაპირისპირების მიზეზებზეც ისაუბრა.  მისი თქმით, ალა პუგაჩოვა შურმა და შიშმა დააბრმავა. „ვერ მაპატია, როცა სიმღერის კონკურსში პირველი ადგილი ავიღე, მან კი - ვერც ერთი. იმ დროს ესტრადაზე ვმღეროდი კიდეც, მეცო-სოპრანო ვიყავი.

მას მერე ვერ მიტანდა, ალბათ შეეშინდა ჩემთან კონკურენციის და გადაწყვიტა, ეჩვენებინა ჩემთვის, ვინ იყო რუსულ ესტრადაზე მთავარი", - აღნიშნა მან.

მას მერე  ქალბატონები ერთმანეთთან შეხვედრას ერიდებიან, თუმცა ელიტურ წვეულებებზე მაინც უწევთ შეხვედრა. „ერთხელ „ოლიმპიურის“ დარბაზში ერთ კონცერტში ვმონაწილეობდით. ჩემი შესრულების მერე სცენაზე ალა გადიოდა.

მან კი მეორე მხრიდან მოუარა სცენას, რომ ჩემთან შეხვედრა აეცილებინა თავიდან", - იხსენებს ნათელმხილველი.