2014-07-29 12:32

დღეს მთავარ პროკურატურაში  მიხეილ სააკაშვილის ადვოკატს ბრალის დადგენილება გადასცეს.

ოთარ კახიძის განცხადებით, პროკურატურა აპირებს,  სასამართლოს ყოფილი პრეზიდენტის მიმართ,  აღკვეთის ღონისძიების სახით, პატიმრობის გამოყენების მოთხოვნით მიმართოს.

მისივე ინფორმაციით, მიხეილ სააკაშვილის მიმართ წაყენებული ბრალდების ერთ-ერთი მოწმე თავდაცვის ყოფილი მინისტრი ირაკლი ოქრუაშვილია.

„მოწმეთა ჩამონათვალში წერია ირაკლი ოქრუაშვილი, თუმცა ეს არ გულისხმობს, რომ მას ბრალდებულის წინააღმდეგ აქვს ჩვენება მიმართული.  ჩამონათვალი საკმაოდ ვრცელია და დეტალურად არ გავცნობივარ,“ - აღნიშნა ადვოკატმა.