13:10 წუთზე საქართველოში მიწისძვრა მოხდა. ეპიცენტრი გურიაში, ოზურგეთის მუნიციპალიტეტის დაბა ნარუჯასთან დაფიქსირდა და ბიძგების სიმძლავრემ, emsc-csem.org-ის მონაცემებით, 4.2 მაგნიტუდა შეადგინა.
ამასთან, 4.1 სიმძლავრის იყო ბიძგები კურორტ გომისმთასთან, რომელიც, ასევე, ოზურგეთის მუნიციპალიტეტში შედის. მიწისქვეშა ბიძგები იგრძნობოდა სამეგრელოში, იმერეთში და გურიაში, ოზურგეთის მიმდებარე ტერიტორიაზე.
ოზურგეთში ბიძგები იმდენად ძლიერი იყო, რომ მოსახლეობა ამ დრომდე ქუცაშია გამოსული. ეპიცენტრში მიწისძვრას ნგრევა არ მოჰყოლია. ბიძგები იგრძნობოდა ქუთაისში, საქართველოს პარლამენტის შენობაშიც.