გაეროში აშშ-ის მუდმივი წარმომადგენელი სამანტა პაუერი აცხადებს, რომ „ბოინგი“ დონბასში რაკეტა "SA-11"-ით ჩამოაგდეს და ნაკლებად სავარაუდოა, რომ ამგვარი გასროლა გამოცდილი პერსონალის გარეშე მომხდარიყო.
„მალაიზიური სამგზავრო თვითმფრინავი, სავარაუდოდ, რაკეტა "SA-11"-ით არის ჩამოგდებული, რომელიც სეპარატისტების კონტროლირებადი აღმოსავლეთ უკრაინის ტერიტორიიდან არის გასროლილი. ნაკლებ სავარაუდოა, რომ სეპარატისტებს შეძლებოდათ ამგვარი ტექნიკის მართვა გამოცდილი პერსონალის გარეშე. ამიტომ არ შეგვიძლია გამოვრიცხოთ რუსეთის პერსონალის მიერ მათი დახმარება." - აღნიშნა სამანტა პაუერმა.