იუსტიციის სამინისტროს ინფორმაციით, ევროსასამართლომ სტრასბურგში უარი თქვა ქურდული სამყაროს წევრობისთვის ნასამართლევი საქართველოს მოქალაქის იზეთ აშლარბას სარჩელის დაკმაყოფილებაზე ქურდული სამყაროს წევრობის გამო სასჯელის გაუქმების შესახებ.
საქმეზე − „იზეთ აშლარბა საქართველოს წინააღმდეგ“ − გადაწყვეტილება დღეს გამოქვეყნდა. სავარაუდო, აშლარბამ საჩივარი სტრასბურგში ქართველი ე.წ. კანონიერი ქურდების დავალებითა და მათთან შეთანხმებით გაგზავნა.
აშლარბა ამტკიცებდა, რომ „საქართველოს სისხლის სამართლის კოდექსის“ 223-ე მუხლის პირველი ნაწილი (ქურდული სამყაროს წევრობა, კანონიერი ქურდობა) არ არის საკმარისად ნათელი და განჭვრეტადი, რაც წინააღმდეგობაშია ადამიანის უფლებათა ევროპული კონვენციის მე-7 მუხლთან (არავითარი სასჯელი კანონის გარეშე).
სასამართლომ მთავრობის არგუმენტები გაიზიარა და მიიჩნია, რომ „ქურდული სამყარო“, „კანონიერი ქურდობა“, „ობშიაკი“ და სხვა საზოგადოებაში იმდენად ფესვგადგმული ცნებებია, რომ აღნიშნულის შესახებ საზოგადოების წევრებს ჰქონდათ სათანადო ცოდნა.
მკაფიოდ განსაზღვრავს ქურდული სამყაროს წევრობის, როგორც დანაშაულის, შინაარსს, არის საკმარისად განჭვრეტადი იმისთვის, რომ ინდივიდებმა ზუსტად იცოდნენ, რა არის დასჯადი ქმედება და რომ, შესაბამისად, კონვენციის მე-7 მუხლის დარღვევას ადგილი არ ჰქონია.
ამ გადაწყვეტილებით დადგინდა, რომ საქართველოს კანონმდებლობა, რომელიც ახდენს ქურდული სამყაროს წევრობისა და კანონიერი ქურდობის კრიმინალიზაციას, სრულ შესაბამისობაშია ადამიანის უფლებათა ევროპულ კონვენციასთან.