ანტისამთავრობო პროპაგანდისთვის ირანში ჟურნალისტსა და ბლოგერს მარზი რასულის მათრახის 50-ჯერ დარტყმა და ორი წლით თავისუფლების აღკვეთა მიუსაჯეს.
ინფორმაციას ამის შესახებ "როიტერი" ავრცელებს.
ცოტა ხნის წინ, ჟურნალისტმა ”ტვიტერის” მიკრობლოგზე დაწერა, რომ სასამართლომ მას ორი წლით თავისუფლების აღკვეთა მიუსაჯა. რასულის თქმით, მას”რეჟიმის წინააღმდეგ პროპაგანდასა და მიტინგებში მონაწილეობაში” ადანაშაულებენ.
რასული 2012 წელს დაიჭირეს, თუმცა შემდგომში თავდებით გაათავისუფლეს. მაშინ რასულს უცხოელებთან კავშირში ედებოდა ბრალი.