2014-07-09 13:31

ქართული წარმოშობის მომღერალი ქეთი მელუა, სხვა ცნობილ ადამიანებთან -  მომღერალ ჯორჯ მაიკლთან, მსახიობ მაკლ კეინთან და Arctic Monkeys–ის მუსიკოსებთან ერთად, გადასახადებისგან თავის არიდების სქემაში მონაწილეობდა. ამის შესახებ The Times–ი წერს.

გამოცემის მონაცემებით, ისინი ჩართულნი იყვნენ სქემაში, რომლის მიზანიც 1,2 მილიარდი ევროს მოცულობის გადასახადების დამალვა იყო. საუბარია საგადასახადო სტრატეგია Liberty–ზე, რომლის ინვესტორთა საერთო რაოდენობა 1,6 ათას ადამიანს აჭარბებს.

გაზეთმა მიიღო წვდომა Liberty–ს საიდუმლო მონაცემთა ბაზაზე და მათზე დაყრდნობით წერს, რომ გადასახადებისგან თავის არიდებაში მონაწილეობას იღებდნენ წამყვანი ბიზნესმენები, დამნაშავეები, ცნობილი ადამიანები, სამეფო ადვოკატები, ექიმები და სხვა პირები.