2014-06-28 11:24

პრემიერ-მინისტრ ირაკლი ღარიბაშვილის განცხადებით, ევროკავშირთან უვიზო მიმოსვლის დაწყება ორ წელიწადში აბსოლუტურად რეალისტურია, - ამის შესახებ მან "რუსთავი 2"-ის გადაცემაში "კვირის თემა" ჩართვისას განაცხადა.

"მე ვფიქრობ, რომ დაახლოებით 2 წელიწადში ეს აბსოლუტურად რეალისტური იქნება. ეს დამოკიდებულია ჩვენზე, რამდენად დროულად, ეფექტურად შევასრულებთ ვალდებულებეს. ამ ეტაპისთვის მე შემიძლია აბსოლუტურად თავდაჯერებულად გითხრათ, რომ რალისტურია, 2 წელიწადში საქართველოს მოქალაქეებმა ყოველგვარი ვიზის და ბარიერების გარეშე შეძლონ ევროპაში მოგზაურობა", - განაცხადა პრემიერ-მინისტრმა.

ამასთან, ირაკლი ღარიბაშვილის თქმით, უვიზო რეჟიმით მიმოსვლით შეუძლიათ ისარგებლონ აფხაზებმა და ოსებმაც, მხოლოდ ქართული პასპორტებით.