2014-06-20 17:22

თბილისის მერობის კანდიდატის დავით ნარმანიას დედამ და ზუგდიდის 67-ე საარჩევნო ოლქის სოფელ კოკის უბნის საარჩევნო კომისიის სხვა წევრებმა სანქციის სახით გაფრთხილება მიიღეს.

"სამსახურეობრივი მოვალეობის ბრალეულად და არაჯეროვნად შესრულების გამო ზუგდიდის 67-ე საარჩევნო ოლქის 97-ე საუბნო საარჩევნო კომისიის თავმჯდომარეს, თემურ შენგელიას, კომისიის წევრებს ნორა თოდუას, ეკა დგებუაძეს, გია კვარცხელიას და მანანა ხუბუას მიმართ გამოყენებული იქნას დისციპლინარული პასუხისმგებლობის ზომა: გაფრთხილება", - ნათქვამია ზუგდიდი საოლქო საარჩევნო კომისიის მიერ დღეს, 20 ივნისს მიღებულ განკარგულებაში.