2014-06-20 15:30

„ცეკვავენ ვარსკვლავებიდან“  მიშა მესხის წასვლის თაობაზე პირველი კომენტარი პროექტის პროდიუსერმა, ნოე სულაბერიძემ გააკეთა.  მისი თქმით, მიშას სკანდალური განცხადება აღელვებით იყო გამოწვეული.

„აღელვებული იყო, ასე მგონია... ასე რომ მოსულიყო და შედეგებზე პრეტენზია გამოეთქვა, არ ყოფილა. ეთერის შემდეგ ვისაუბრეთ ჩვეულებრივად, ჩემთან პრეტენზიებით არ მოსულა. უბრალოდ აღელვებული იყო, რომ პროექტს ტოვებდა...

მიშასთან ვმეგობრობ და იმედია, წყენა გაუვლის. ყველა ადამიანს წყინს, როცა პროექტს ტოვებს...  „სიაბანდი“ შედეგები რომ ახსენა ცოტა მეწყინა, მაგრამ რას ვიზამთ. იმედია გაუვლის,“ - განაცხადა მან.

შეგახსენებთ, რომ წუხელ შედეგების გამოცხადებისას მიშა მესხმა პროექტის დატოვების გადაწყვეტილება მიიღო.

„არ მინდა ახლა „სიაფანდი“ შედეგები, რად მინდა. მე არ მინდა, ამით ვინმეს შეურაცხყოფა მივაყენო, არ მინდა ყველაფერი ვილაპარაკო. უბრალოდ, არ მსიამოვნებს, არ მომწონს რაღაც რაღაცები. აქედან გამომდინარე, მინდა, რომ წავიდე“, - პირდაპირ ეთერში განაცხადა მან.

http://primetimenews.ge/?page=22&news_id=30699&c=2