-
2014-10-27 14:29
ნიკოლას ქანთარიამ საზოგადოებას თავი განსხვავებული სტილით, მოდის თავისებური აღქმით და ეპატაჟურობით დაამახსოვრა.
„სკოლაში, როცა ჩემი ძმაკაცები ფეხბურთს თამაშობდნენ, მე გოგონებთან ერთად ვთამაშობდი ჩოგბურთს, ან რამე მსუბუქს.
ვცდილობდი, თავი დიდად არ დამეტვირთა. თავს ვუვლიდი, ვუფრთხილდებოდი, რადგან, უპირველეს ყოვლისა, მეტროსექსუალი ვარ.
ზუგდიდში, შუა ბულვარში მოვაწყვე ჩვენება. ჩავაცვი გოგონებს ბარბივით - ნამდვილი შოკი იყო. დიდი მოწონება დაიმსახურა.
სიტყვა „ვულგარულობა“, რამდენად გამაღიზიანებლადაც არ უნდა ჟღერდეს, ჩემთვის ყოველთვის მთავარი ხაზია, სულ მას მივყვები. მთავარია, ვულგარულობას როგორ მიაწვდი ხალხს და ეს არ უნდა გაიგო პირდაპირი მნიშვნელობით.
ვერც მოდის ტენდენციებს ვიტან, ყოველთვის ჩემი ტენდენციები მაქვს. ვერც იმას ვიტან, როცა ვიღაცას შტრიხები შეაქვს ჩემს შექმნილ სამოსში. მასში იმდენ ენერგიას ვაქსოვ, ზუსტად ვიცი, განსხვავებული და „თიში“ იქნება.
ძალიან მიყვარს პერფორმანსები. ვცდილობ, ის, რასაც ვაკეთებ, ზღაპარს ჰგავდეს.
თითოეულ ხაზზე ბევრ ვფიქრობ, ვაკვირდები, ყველაფერი გათვლილი მაქვს და რაც მთავარია, ყველაფერი არაქართულია - ასეთი ვარ ბავშვობიდან“, - აღნიშნა დიზაინერმა.
„თბილისელები“