კახი კალაძის მეუღლე, ანუკი არეშიძე აცხადებს, რომ საერთოდ არ არის ჩართული საფეხბურთო ციებ-ცხელებაში, შესაბამისად არავის გულმშემატკივრობს. ენერგეტიკის მინისტრი კი იტალიის ქომაგია.
ზურა ხიზანიშვილი და მისი მეუღლე, სალომე ღვინიაშვილი არგენტინას გულშემატკივრობენ.
არგენტინის გულშემატკივარია ნინი ზარქუა, ალექსანდრე ამისულაშვილის მეუღლე. „რაც მთავარია, მესი ჰყავთ, რომელმაც საკლუბო დონეზე ყველა ტიტული მოიგო და მსოფლიო ჩემპიონატი დარჩა მოსაგები“, - ასე ახასიათებს „თავის“ გუნდს ნინი.
გიორგი მერებაშვილის მეუღლე, სოფო ფაილოძე მეუღლეს უჭერს მხარს და რადგან გიორგი ბრაზილიის გულშემატკივარია, ისიც ბრაზილიას გულშემატკივრობს.
რეზი არველაძის მეუღლე, თეონა თავართქილაძე ამბობს, რომ მისი ოჯახი ბრაზილიაშია და თავიდან ბოლომდე ჩართულია საფეხბურთო ციებ-ცხელებაში.
ბრაზილიის გულშემატკივარია გიორგი შაშიაშვილის მეუღლე, ნათია ჭელიძე. ის ფეხბურთს მეუღლესთან და მეგობრებთან ერთად უყურებს.
„შეკრება აქვთ ბიჭებს, ამიტომ არ ვიცი, სად ვუყურებთ მსოფლიო ჩემპიონატს. ისიც კი არ ვიცი, ვისი გულშემატკივარი იქნება ჩვენი ოჯახი. მე იტალიას ვგულშემატკივრობ, ჩემი მეუღლე მგონი ბრაზილიას, გუნდებიდან კი ყველაზე მეტად ბარსელონა გვიყვარს“, - აცხადებს ინგა კვირკველია, დავით კვირკველიას მეუღლე.
http://www.ambebi.ge/kulturashoubiznesi/104267-vis-gulshematkivroben-qarthveli-fekhburthelebis-colebi-msoflio-chempionatze.html
