2014-06-03 19:42

მარტვილის მუნიციპალიტეტში, სოფელ გაჭედილში მდებარე მდინარე აბაშის კანიონში ჩარჩენილი 11 მოსწავლიდან ამ დროისთვის ოთხი მოზარდი უკვე გაყვანილია სამშვიდობოს.

ასევე ცნობილია, რომ მაშველმა, რომელიც ადიდებულმა მდინარემ გაიტაცა, თავის გადარჩენა მოახერხა. ოპერაცია გრძელდება.

შეგახსენებთ, რომ 11 მოსწავლე საშიშ ადგილას ჩარჩა მას შემდეგ, რაც ისინი ერთად გადავიდნენ ნავებიდან, ნავები კი მოულოდნელად მოვარდნილმა წყლის ნაკადმა გაიტაცა. სავარაუდოდ, მოსწავლეები ნავებიდან ფოტოების გადასაღებად გადავიდნენ, რასაც მდინარე აბაშის ადიდება დაემთხვა.

სკოლის მოსწავლეები, ძირითადად, რუსთავიდან არიან. შემთხვევის ადგილზე გამოძახებიდან რამდენიმე წუთში მივიდნენ მაშველები.