ლუგანსკში, ადმინისტრაციის შენობაში მომხდარი აფეთქებისას ლუგანსკის თვითაღიარებული რესპუბლიკის ჯანმრთელობის მინისტრი დაიღუპა.
ტერორისტი ამბოხებულების განცხადებით, უკრაინის სამხედრო საჰაერო ძალებმა იერიში მიიტანეს ადმინისტრაციულ შენობაზე, რა დროსაც თვითაღიარებული რესპუბლიკის ჯანმრთელობის მინისტრი ნატალია არხიპოვა დაიღუპა.
ამის შესახებ „რია ნოვოსტი“ იუწყება. როგორც ლუგანსკის ე.წ. სახალხო რესპუბლიკის პრემიერ-მინისტრმა ვასილი ნიკიტინმა განაცხადა, დაბომბვის დროს მინისტრი შენობაში იმყოფებოდა. თვითაღიარებული რესპუბლიკის ჯან.დაცვის სამინისტროს ინფორმაციით დღევანდელ დაბომბვას 7 ადამიანის სიცოცხლე ემსხვერპლა და კიდევ 8 ჰოსპიტალიზებულია.
უკრაინული მედიის ცნობით კი ლუგანსკის საოლქო ადმინისტრაციაში, რომელსაც თვითაღიარებული რესპუბლიკის მომხრეები აკონტროლებენ, აფეთქება არა უკრაინის საჰაერო ძალების მიერ განხორციელებული გასროლის შედეგად, არამედ თავად ამბოხებულების მიზიზით მოხდა. მათ მიზანი ვერ გათვალეს და მათ მიერ თვითმფრინავის ჩამოგდების მიზნით გასროლილი რაკეტა სწორედ იმ შენობას მოხვდა, სადაც ისინი იმყოფებოდნენ.