-
2014-06-02 22:52
ქუთაის-გაენათის ეპარქიის მიტროპოლიტის მეუფე კალისტრატეს პირადი სტიქაროსანი ლაშა დეისაძე-შარვაშიძე „ფეისბუქის“ საშუალებით განმარტებას აკეთებს მეუფის ჯანმრთელობის მდგომარეობასთან დაკავშირებით.
მიტროპოლიტის პირადი სტიქაროსანი აცხადებს, რომ ამ სტატუსის გამოქვეყნება მას შემდეგ გადაწყვიტა, რაც უამრავი ადამიანისგან, მათ შორის სასულიერო პირებისგან, მიიღო შეკითხვა - ჩაუტარდა თუ არა ფეხის ამპუტაცია მეუფე კალისტრატეს.
„ამ დღეებში, ჩემს ტელეფონზე განხორციელდა რამდენიმე ზარი(მათ შორის სამღვდელო პირთაგან) და ასევე, მომწერეს ფეისბუქ-ჩატში, სადაც მეკითხებიან, მეუფე კალისტრატეს მართლა ჩაუტარეს ფეხის ამპუტაცია თუ არა(ღმერთმა დაიფაროს).
ვინაიდან, ვხვდები, რომ სამწუხაროდ, აღნიშნულმა დეზინფორმაციამ, სამღვდელო პირთა და მორწმუნეთა შორის, მთლიანად ქვეყნის მასშტაბით ჰპოვა გავრცელება და ასევე, ვაანაზილებ რა, საქმე გვაქვს, არაკეთილისმოსურნე ადამიანთა მხრიდან გავრცელებულ "მელას რაც ესიზმრებოდა, ის ელანდებოდა" სახის ჭორთან, ამიტომ ვაკეთებ ზოგად განმარტებას, რომ არავინ შევიდეს შეცდომაში:
მის მაღალყოვლადუსამღვდელოესობას ქუთათელ-გაენათელ მიტროპოლიტს მეუფე კალისტრატეს ფეხზე ჩაუტარდა მცირე სახის ქირურგიული ჩარევა და ამჟამად გადის რეაბილიტაციის კურსს.
მისი ჯანმრთელობის მდგომარეობა დღითი-დღე უკეთეს სიტუაციაში გადადის და არავითარი საგანგაშო ვითარება არსებობს. მეუფე კალისტრატე ჩვეულებრივად გადაადგილდება(ორივე ფეხით ) და ასევე, სრული დატვირთვით ანხორციელებს ქუთაის-გაენათის ეპარქიის სამღვდელმთავრო მართვას. ის თავს გრძნობს მხნედ და ჯანმრთელად.
მრავალჟამიერ მის მეუფებას ქუთაის-გაენათის უძველეს სამიტროპოლიტო კათედრაზე!“, - წერს „ფეისბუქში“ მიტროპოლიტ კალისტრატეს პირადი სტიქაროსანი ლაშა დეისაძე-შარვაშიძე.