საქართველოს ყოფილ პრემიერმინისტრს ვანო მერაბიშვილს სანდრო გირგვლიანის საქმეზე სამი წლით პატიმრობა შეეფარდა.
სასამართლოს გადაწყვეტილებით, ვანო მერაბიშვილს 3 წლით თავისუფლების აღკვეთასთან ერთად, 2 წლით თანამდებობაზე ყოფნაც აეკრძალა.
სანდრო გირგვლიანის საქმეზე შს ყოფილ მინისტრს ვანო მერაბიშვილს წარდგენილი აქვს ბრალდება - უფლებამოსილების გადამეტება და სამსახურებრივი სიყალბე, რაც გათვალისწინებულია 333-ე და 341-ე მუხლებით.
2005 წელს ოქროყანაში, ვამეხ აბულაშვილისა და კახაბერ დაბრუნდაშვილის ცემის ფაქტზე, რასთან დაკავშირებითაც პროკურატურამ დათა ახალაიას, ოლეგ მელნიკოვსა და გერონტი ალანიას წაუყენა ბრალი, სასამართლოს გადაწყვეტილებით, შსს-ს ყოფილი თანამშრომელი გერონტი ალანია ნაწილობრივ გამართლდა და სასჯელის საბოლოო ვადად 4 წელი 6 თვე, 2 ათას ლარიანი ჯარიმა და 2,3 წლით თანამდებობაზე მუშაობის შეზღუდვა განესაზღვრა.
ამავე ეპიზოდზე ბრალდებული ვალერიან მეტრეველს კი 4, 6 წელი და 2 ათას ლარიანი ჯარიმა მიესაჯა.
როგორც ცნობილია, გერონტი ალანია ძებნაში იმყოფება, მერაბიშვილი და მეტრეველი კი პატიმრობაში არიან და საკუთარი გადაწყვეტილებით საქმის განხილვებში არ მონაწილეობდნენ.
