-
2014-09-29 21:12
„დემოკრატიული ინსტიტუტების ფუნქციონირება საქართველოში“ - ევროსაბჭოს საპარლამენტო ასამბლეის კომიტეტის რეზოლუციაში ევროსაბჭო მოუწოდებს საქართველოს, აღარ გააგრძელოს აღმკვეთი ღონისძიების სახით წინასწარი პატიმრობა თავდაცვის ყოფილი მინისტრისთვის და ის არასაპატიმრო ღონისძიებით შეცვალოს.
დოკუმენტი საბოლოო სახეს რეზოლუციის სახით ოთხშაბათს მიიღებს და სესიაზე გავა, მანამდე კი კომიტეტის რეზოლუციის პროექტზე სხვადასხვა განმარტებას აკეთებენ საქართველოს პარლამენტის უმრავლესობისა და უმცირესობის ის წარმომადგენლები, რომლებიც სტრასბურგში იმყოფებიან.
გუგული მაღრაძე ამბობს, რომ თავდაპირველად ასეთი ჩანაწერი ნამდვილად იყო, მაგრამ კომიტეტის სხდომაზე მისი გამოსვლის შემდეგ ევროსაბჭო მიხვდა, რომ ეს მოწოდება პირდაპირი ჩარევა იყო საქართველოს შინაურ საქმეებში და ფორმულირება შეცვალა - მისი თქმით, ევროსაბჭომ საქართველოს ხელისუფლებას მხოლოდ ამ საქმის დროულად და სამართლიანად გამოძიებისკენ მოუწოდა.
„არ ვიცი, რაში სჭირდება ეს ტყუილები ქალბატონ გუგულის, მაგრამ რეზოლუციის პროექტში ასეთი ჩანაწერი ნამდვილად არის, სადაც მოწოდებაა, რომ ბაჩო ახალაიას მიმართ არ იქნას გამოყენებული აღმკვეთიღონისძიების სახით პატიმრობა“, - ამბობს საპარლამენტო უმცირესობის წევრი გიორგი კანდელაკი „იმედთან“ საუბარში.
„ქრონიკა 8 საათზე“, ტვ „იმედი“