2014-09-16 11:10

რუსთავში, ლომოურის ქუჩაზე არსებულ შპს “600″-ის დაქვემდებარებაში მყოფ საჯარიმო სადგომზე, 15-მდე ავტომობილი გაძარცვეს - "ექსპრესნიუსის" მიერ გავრცელებულ ამ ინფორმაციას შსს პრესსამსახურში ადასტურებენ.

“ექსპრესნიუსი” იტყობინებოდა, რომ საჯარიმოზე ავტომობილებს საბურავები, დისკები და სხვა ნაწილები მოხსნეს. ძარცვის შესახებ, რუსთავის პოლიციაში განცხადება 13 სექტემბერს, შპს “600″-ის წარმომადგენელმა შეიტანა.

პოლიციაში შესულ განცხადებაზე საქმე სისხლის სამართლის კოდექსის 180-ე მუხლით აღიძრა, რაც თაღლითობას გულისხმობს.