2014-09-12 15:57

დედაქალაქის ყოფილი მერი კარგა ხანია ითხოვს  ტელევიზორით, რადიომიმღებითა და კომპიუტერით სარგებლობას.

სასჯელაღსრულების სამინისტროში აცხადებდნენ, რომ  ბრალდებულ  უგულავას, დირექტორის ნებართვით, მის ქცევაზე დაკვირვებისა და უსაფრთხოების შესწავლის შემდეგ, შეიძლება მისცემოდა პირადი ტელევიზორით და რადიომიმღებით სარგებლობის უფლება.

რაც შეეხება კომპიუტერს, საჭირო იყო უგულავას მსჯავრდებულის სტატუსი და დახურული ტიპის დაწესებულებაში განთავსება ჰქონოდა განსაზღვრული.

„კვირისთვის“ ექსკლუზიურად ცნობილი გახდა, რომ დედაქალაქის ყოფილ მერს გადაეცა კომპიუტერი.

აღნიშნულს უგულავას ადვოკატი, ადასტურებს და აცხადებს, რომ გიგი უგულავას კომპიუტერი საქმის მასალების გაცნობის მოტივით გადასცეს, თუმცა კომპიუტერს არ აქვს დინამიკები და ამ მიზეზით დედაქალაქის ექსმერი საქმეში არსებულ აუდიო-ვიდეო მტკიცებულებებს ვერ ეცნობა.

„გიგი უგულავას არ მისცეს არც კომპიუტერი და არც რადიომიმღები, რაც უსამართლობაა, მისცეს კომპიუტერი ესეც ფორმალურად.

ასეთი ფორმით კომპიუტერის გადაცემა იგივეა, რაც ავიღოთ უბრალო ყუთი და ზედ დავაწეროთ „კომპიუტერი“. კომპიუტერს არ აქვს დინამიკები, გიგი უგულავა ვერ ახერხებს მისი საქმის მასალებში არსებული აუდიო მტკიცებულებების გაცნობას და საკანში კომპიუტერისთვის დინამიკების შეტანას ითხოვს“, – განაცხადა  გიზო უგულავამ.

„კვირამ“ მრავალი მცდელობის მიუხედავად, სასჯელაღსრულებისა და პრობაციის სამინისტროსთან დაკავშირება ვერ მოახერხა.