დაახლოებით ღამის სამ საათზე საპატრულო პოლიციამ „ტაბულას“ თანამშრომელი და მასთან ერთად მყოფი ორი პირი დააკავა. პოლიციელები, სავარაუდოდ, არაფხიზელ მდგომარეობაში იმყოფებოდნენ, - ამის შესახებ „ტაბულა“ იტყობინება.
გამოცემის ინფორმაციით, დოლიძის ქუჩაზე გადაყვანილ „ტაბულას“ თანამშრომელტან არ უშვებენ ადვოკატს, ხოლო მასთან ერთად დაკავებული ორი პირი გაურკვეველი მიმართულებით წაიყვანეს. გამოცემა წერს, რომ მათ ცემის კვალი ეტყობოდათ.
გამოცემის ინფორმაციით, „ტაბულას“ თანამშრომელი ნარკოლოგიური შემოწმების გასავლელად გადაიყვანეს.
„უკვე ორი საათია ტაბულას თანამშრომლები ელოდებიან შსს-ს გენერალურ ინსპექციას, რომელიც მრავალჯერ გამოიძახეს რათა მოახსენონ, რომ პოლიციელები, რომლებმაც ტაბულას თანამშრომელი და ორი თანხმლები პირი დააკავა, ხოლო შემდეგ სცემა, იყვნენ მთვრალები. არავინ ჩანს.“, - წერს „ტაბულას“რედაქტორი თამარ ჩერგოლეიშვილი „ფეისბუქზე“.