2014-05-18 02:12

ცურვის ეროვნულ სახეობათა ფედერაციის გენერალურ მდივანს, დარდანელის სრუტის გადაცურვის გამო გინესის მსოფლიო წიგნის რეკორდსმენს, პროფესორ ჰენრი კუპრაშვილს საკუთარ ავტოფარეხთან თავს დაესხნენ. მისი თქმით, თავდამსხმელები შვიდნი იყვნენ.

ინფორმაცია „ჯი-ეიჩ-ენმა" გაავრცელა, რომელიც მოცურავეს დაუკავშირდა:

„ავტოფარეხთან თავს დამესხა 7 ადამიანი. ერთმა დამიჭირა, სხვები მირტყამდნენ. მიღებული მაქვს სხვადასხვა დაზიანება", - თქვა კუპრაშვილმა.

თავდასხმის მოტივი უცნობია, თუმცა როგორც კუპრაშვილი აცხადებს, თავდასხმა, სავარაუდოდ მის პოზიციას უკავშირდება -ქალაქში „ნარკომანების და კრიმინალების მომრავლებასთან დაკავშირებით".

მისივე თქმით, ამ ადამიანების ქცევა უკვე ზღვარს გადადის და პოლიცია მათ მიმართ ლოიალურია.