2015-02-03 19:27

"გურიის მოამბის" ინფორმაციით, რამდენიმე დღის წინ ოზურგეთის რაიონული სასამართლოს მოსამართლემ და პროკურორმა სხეულის დაზიანებები მიიღეს, რაც პატიმრის მხრიდან ფიზიკური შეურაცხყოფით იყო გამოწვეული.

გამოცემის ინფორმაციით, განაჩენის გამოცხადების შემდეგ ბადრაგს მსჯავრდებულისთვის ხელბორკილების დადება გამორჩა, რითაც ამ უკანასკნელმა ისარგებლა, მოსამართლეს მივარდა და ცემა დაუწყო, ხოლო შემდეგ ასევე დარბაზში მყოფ პროკურორს სახეში ფეხი ამოარტყა და სახეში მუშტი ჩაარტყა. პატიმარი ყვიროდა, რომ მას იმაზე მეტი წლით თავისუფლების აღკვეთა მიუსაჯეს, ვიდრე ეკუთვნოდა.

პატიმარს გამოძიება მიკროავტობუსის გატაცებას ედავებოდა, რომელიც გატაცებიდან ერთ საათში, მიტოვებული აღმოაჩინა პოლიციამ. გამტაცებელი მაშინ მიიმალა და პოლიციამ მოგვიანებით დააკავა. პატიმრის ახლობლების განცხადებით, მოსამართლისა და პროკურორის ცემის შემდეგ ბადრაგმა საპყრობილისკენ მიმავალ მანქანაში მსჯავრდებულს ფიზიკური შეურაცხყოფა მიაყენა.