2014-11-21 12:07

მოსკოვში რუსმა სამართალდამცველებმა მძარცველები დააკავეს, რომლებიც ინკასატორების მანქანებს უკაცრიელ ადგილას ესხმოდნენ თავს. დაკავებულები საქართველოს მოქალაქეები არიან.

გამოძიებამ დაადგინა, რომ ისინი საინკასაციო მანქანებს უთვალთვალებდნენ, მათ მარშრუტს სწავლობდნენ, ხოლო შემდეგ უკაცრიელ ადგილას ესხმოდნენ თავს, ინკასატორებს იარაღით აშინებდნენ, ხოლო მანქანის მინებს ჩაქუჩით ტეხავდნენ და თანხას იტაცებდნენ.

დაკავებულები 37, 30 და 28 წლის მამაკაცები არიან, 28 წლის მამაკაცი აფხაზეთის ტერიტორიის მკვიდრია. მათთან ერთად დაკავებულია ასევე 39 წლის სომხეთის მოქალაქე, რომლის საცხოვრებელ სახლშიც პოლიციამ ცეცხლსასროლი იარაღი და ნაძარცვი თანხის ნაწილი აღმოაჩინა.