-
2014-06-01 02:06
„ოცნება“ არჩევნებს მუშტით, კვერცხით და პოლიტიზირებული პოლიციით ატარებს“, - უთხრა „აფხაზეთის ხმას“ თბილისის საკრებულოს მაჟორიტარი დეპუტატობის კანდიდატმა კრწანისში, „ნაციონალური მოძრაობის“ წევრმა ხათუნა ბერძენიშვილმა.
„აფხაზეთის ხმა“ კანდიდატს ფონიჭალაში მომხდარი ინციდენტის შემდეგ დაუკავშირდა, სადაც ერთმა ჯგუფმა კონცერტი და მოსახლეობასთან ხათუნა ბერძენიშვილის შეხვედრა ჩაშალა. დეპუტატობის კანდიდატი ამბობს, რომ მათ შორის საარჩევნო კომისიის წევრებიც იყვნენ:
„დღეს „ოცნების ტიტუშკებმა“, მათ შორის საარჩევნო კომისიის წევრმა სოფელ ფონიჭალაში, ბავშვთა საერთაშორისო დღისადმი მიძღვნილი კონცერტი ჩაშალეს.
სიტუაციის დარეგულირებისთვის ადგილზე გამოძახებული საპატრულო პოლიცია, სოფელში ერთი საათის დაგვიანებით მოვიდა, თუმცა სიტუაციის განმუხტვა არც მოსვლის შემდეგ უცდიათ და არც პროვოკატორები დაუკავებიათ.
„ოცნება“ შანტაჟით, პროვოკაციით ცდილობს ეროვნული უმცირესობის დაშინებას, მაგრამ ისიც ფაქტია, რომ მათ არ ეშინიათ.
სწორედ ამიტომაც იყო, რომ „ოცნების ტიტუშკებმა“ სოფლის მოსახელობაში ვერანაირი მხარდაჭერა ვერ მოიპოვეს. ჩვენ მოვახდინეთ იმ პირების იდენტიფიცირება, რომლებიც საკუთარ თავს ადგილობრივებს უწოდებდნენ, სინამდვილეში კი ერთ-ერთი მათგანი ოცნების კრწანისი რაიონის ახალგაზრდული ორგანიზაციის ხელმძღვანელი მამუკა ცეცხლაძეა, მეორე კი ოცნების აქტივისტი და კრწანისის # 30-ე საარჩევნო უბნის კომისიის წევრი "ქართული ოცნებიდან" გენადი შხიანი“, - უთხრა „აფხაზეთის ხმას“ ხათუნა ბერძენიშვილმა.