2014-09-13 12:49

რუსთავი_თბილისის გზის საკმაოდ გრძელ მონაკვეთზე შემდეგი სასიყვარულო წარწერებია გაკეთებული.

პირველი წარწერა ფონიჭალაშია, ბილბორდზე - „ნინი მიყვარხარ“.

თუ შერლოკ ჰოლმსის „დედუქციურ მეთოდს“ გამოვიყენებთ, იოლი მისახვედრია, რომ გოგონა ამ უბანში უნდა ცხოვრობდეს, რადგან რუსთავიდან ფონიჭალამდე სხვა წარწერა არსადაა.

ამ ბილბორდის მოპირდაპირე მხარეს ეზოდან გამოსასვლელია და გზის ნაპირზე მდგარი მაღაზიის კედელზე, ისევ მწვანე საღებავით შესრულებული წარწერა გვაუწყებს: „მიყვარხარ, მაგრამ ამ სიყვარულს იაფი სცენის სურნელი ასდის".

სავარაუდოდ, ნინი ამ ეზოში უნდა ცხოვრობდეს...

5-6 კილომეტრის შემ­დეგ ავტოპროფილაქტილის კედელზეც მოზრდილი წარწერაა _ „შენ ზღვას ჰგავხარ დამშვიდებულს. ნი­ნი“ და რამდენიმე მეტრში, - ვულკანიზაციის კედელზე - „სულს მოქცემ“.

კიდევ 2-3 კილომეტრში, ავტოგასამართი სადგურის კედელზე ვრცელი წარწერაა - „იმდენს ვფიქრობ, რომ შემიძლია, შეგეხო"...

გზის მთელ მონაკვეთზე, ასეთივე ფერის საღებავით, „სხვა თემაზე“ ერთი წარწერაა მხოლოდ - „ვულკანიზაცია“...

იქნებ წარწერების ავტორი იქ მუშაობს?

მართლაც საინტერესოა, ვინაა შეყვარებული და რომანტიკული რომეო...

უცობია, გაჭრა თუ არა სიყვარულის ახსნის ასეთმა მეთოდმა და უპასუხა თუ არა მის გრძნობებს ნინიმ...

ambebi.ge