2014-09-12 23:01

ასლან აბაშიძის პრეს-სამსახურის ყოფილ ხელმძღვანელის თამაზ ბაკურაძის თქმით, შესაძლებელია, გიორგი ალასანია დღეს აღარაა ნარკოტიკის მომხმარებელი, მაგრამ ასე ვთქვათ "გაუჩალიჩეს".

„ადრე რომ მოიხმარდა გიორგი ნარკოტიკს, ეს არავისთვისაა უცხო და მთელი ქვეყანა ლაპარაკობდა ამაზე, მაგრამ ახლა ისევ მოიხმარს და მართლა იყო თუ არა ნარკოტიკის ზემოქმედების ქვეშ, ამაზე პასუხის გაცემა გამიჭირდება.

ადრე ნარკოტიკების მოხმარებასთან დაკავშირებით, სამართალდამცავებთან არანაირი პრობლემა არ ჰქონია ან როგორ უნდა ჰქონოდა, ადრე ასლანის შვილს ვინ გააჩერებდა და ეტყოდა, კაიფში ხარო და დააკავებდა? ეს ხომ წარმოუდგენელი იყო.

შესაძლებელია გიორგის დაკავება პოლიციაში ჩარჩენილი ძველი ხელისუფლების მხარდამჭერების მხრიდან შურისძიებაც იყოს, რადგან პოლიციაში მრავლად არიან "ნაციონალების" მომხრეები, ხოლო "ნაციონალები" იყვნენ აბაშიძის ოჯახის მტრები.

როგორც გითხარით, საზოგადოების გარკვეულმა ნაწილმა იცის, რომ ის მოიხმარდა ნარკოტიკს და ამიტომ სწორედ ამ სუსტ წერტილში დაარტყეს და მოუძებნეს ისეთი საბაბი, რომელიც ყველასთვის იოლად დასაჯერებელია.

ამ ვერსიას არსებობის უფლება აქვს, არაფერია გამორიცხული. შესაძლებელია, ის დღეს აღარაა ნარკოტიკის მომხმარებელი, მაგრამ ასე ვთქვათ "გაუჩალიჩეს", - აცხადებს ბაკურაძე.

„კვირის პალიტრა“