2014-06-15 23:59

საპარლამენტო უმცირესობის წევრმა გოგა ხაჩიძემ სოციალურ ქსელში ეჭვი გამოთქვა, რომ ბიძინა ივანიშვილი დავით ნარმანიას მხარს არ უჭერს.

„ბიძინა ივანიშვილმა საპრეზიდენტო არჩევნებზე თბილისში მისცა ხმა.  ანუ, მარგველაშვილს მხარი დაუჭირა.

ამჯერად, ბ-მა ბიძინამ თავისი არჩევანი ნატანებში დააფიქსირა.

ანუ, ნარმანიას ხმა არ მისცა.

დალოცვილო, შენ თვითონ თუ არ აძლევდი ამ ნარმანიას ხმას, ან ჩვენ რას გვერჩოდი, ან თვითონ ნარმანიას, მეზობლის ბავშვივით უბან-უბან რომ აბორიალე ბოლო 2 თვე...

საპარლამენტო არჩევნების დროს 2012-ში, საჩხერიდან სპეციალურად გადმოეწერა თბილისში და საპრეზიდენტოზეც თბილისში დააფიქსირა პოზიცია.

დღეს, კი აღმოჩნდა ნატანებში.

ბიძინას ისედაც ხომ ჰყავს - ზებრა, პინგვინი, აფთარი, ზვიგენი, ფარშევანგი და ა.შ.

პოლიტიკაში შემოსვლის შემდეგ, შეემატა: გუგული (მაღრაძე), ჩიორა (თაქთაქიშვილი), გედი (ფოფხაძე), აგერ ამ ბოლო დროს კიდევ მელია (ნიკა) და ლომი (უგულავა)...

თავის კანდიდატ ნარმანიას, ამ ყველაფერზე ზემოდან მილიონ ხეს არგვევინებს...

რა ხდება ბ-ნო ბიძინა?!...", - წერს გოგა ხაჩიძე.

http://www.ambebi.ge/faceambebi/104386-qguguli-chiora-gedi-bolo-dros-kidev-melia-da-lomi-ra-khdeba-b-no-bidzinaq-goga-khachidze.html