2014-06-15 21:49

ლეიბორისტული პარტიის ლიდერის შალვა ნათელაშვილის განცხადებით, ივანიშვილმა ვერც კი გააცნობიერა, რა გააკეთა: „ამომრჩეველთა 60% არ მოვიდა არჩევნებზე და ეს არის ნაღმი ივანიშვილის ქვეშ, ზემოდანაც და გარშემოც“. შალვა ნათელაშვილმა სახალხო გამოსვლების დაწყება დაანონსა.

ამის შესახებ შალვა ნათელაშვილმა „რუსთავი-2“-ის ეთერში განაცხადა. „მეგობრებო, არაფერი არ დამთავრებულა. რახან მათ არ უნდათ ამ რეჟიმის შეცვლა არჩევნების გზით, ის შეიცვლება აჯანყების გზით, საპროტესტო გამოსვლებით, მინდა ივანიშვილის გასაგონად ვთქვა, რომელიც ახლა ზღვაზეა წამოწოლილი და კმაყოფილია, რომ ეგზიტპოლმა ბინძური დაკვეთა შეუსრულა:

ბატონო ბიძინა, მე სამი მთავრობა შევიწირე და შენც შეგიწირავ, შენი ღარიბაშვილებით, უსუფაშვილებით და „ქართუ ბანკით“. კარგად იცოდე, წაილეკები, დიდი ცუნამი გიახლოვდება!“, - ამ მიმართვასთან ერთად შალვა ნათელაშვილმა პარტიის აქტივს მიმართა, დაიცვან ხმები, რათა ისინი „არ მიაწერონ თარხან-მოურავებს, ბურჯანაძეს, ნაციონალებსა და სხვა ფსევდო-ოპოზიციას“.