2014-06-15 20:37

პრემიერმინისტრმა ირაკლი ღარიბაშვილმა განაცხადა, რომ თბილისში პირველივე ტურში გამარჯვება მოიპოვა „ქართული ოცნების“ მერობის კანდიდატმა დავით ნარმანიამ.

„ეს არის იმ მონაცემებზე დაყრდნობილი, რაც ჩვენ ყველამ მოვისმინეთ 20:00 საათზე. ახლა საჭიროა, დაველოდოთ საბოლოო შედეგებს. ჩვენი მონაცემებითა და ეგზიტპოლის მონაცემებით, „ქართულმა ოცნებამ“ გაიმარჯვა ყველა თვითმმართველ ქალაქში“, - განაცხადა ირაკლი ღარიბაშვილმა.

„ჩვენ სამართლიანად და დამაჯერებლად გავიმარჯვეთ. მინდა მადლობა გადავუხადო ჩვენს ხალხს გამოჩენილი ნდობისთვის“, - განაცხადა ირაკლი ღარიბაშვილმა. მისი თქმით, არჩევნებმა სერიოზული დარღვევების გარეშე ჩაიარა.