2014-06-04 21:44

საპის გადავლება, მანქანის კარის გაღება, მისი მართვა, ჭურჭლის დარეცხვა, სელფშოტი... ეს ყველაფერი, შესაძლოა, თქვენი ყოველდღიურობის განუყოფელი ნაწილიც იყოს, მაგრამ წარმოგიდგენიათ, როგორ შეუძლია ამ ყველაფრის გაკეთება ადამიანს, რომელიც ზედა კიდურების გარეშე დაიბადა?

შშმ პირად ყოფნა 29 წლის კაროლინას არ უშლის ხელს თავი საზოგადოების სრულფასოვან წევრად იგრძნოს - ის ბავშვობიდანვე ვარჯიშობდა, მშობლებიც ახალისებდნენ, ახლა კი ფეხების დახმარებით აკეთებს ყველაფერს, რისთვისაც სხვებს ხელები სჭირდებათ - მასზე ადაპტირებული ავტომანქანითაც დადის.

კაროლინა გათხოვილია, მისი რჩეული მამაკაცი მასზე ოდნავ უფროსია. "ყველას აინტერესებდა, როგორ გავცვლიდით ჩვენ ბეჭდებს. რასაკვირველია, მე ამისთვის ფეხის თითი გამოვიყენე, შემდეგ კი ბეჭედი ყელზე ჩამოვიკიდე", - იცინის კაროლინა. ის ბრაზილიელია და სან-პაულუს შტატის ქალაქ პირასიკაბაში ცხოვრობს.