2015-10-01 11:27

რუსულ ბლოგოსფეროში სირიაში რუსეთის ჩართვის შემდეგ აქტუალური გახდა ბულგარელი ნათელმხილველის, საყოველთაოდ ცნობილი ვანგას წინასწარმეტყველება, რომელიც ჯერ კიდევ 2010 წელს გამოქვეყნდა.

წინასწარმეტყველება მაშინ ჟურნალმა „ჟიზნ“ დაბეჭდა, მაგრამ არც 2010 წელს და არც, მით უმეტეს, ადრე არანაირი ნიშანი არ ჩანდა, რომ სირია მსოფლიოს უმნიშვნელოვანესი წერტილი გახდებოდა, რადგან სირია აბსოლუტურად მოწესრიგებული ქვეყანა იყო. გაკვირვებას ისიც იწვევდა,რომ ვანგა სირიასთან რუსეთს აკავშირებდა.

აი, ზუსტი ციტატა ვანგას წინასწარმეტყველებიდან სირიის შესახებ:

„მალე სამყაროს მოევლინება უძველესი სწავლება. მე მეკითხებიან: „მალე მოვა ეს დრო?“. არა, მალე არა. ჯერ სირია არ დაცემულა. სირია დაეცემა გამარჯვებულის ფერხთით, მაგრამ გამარჯვებული სხვა აღმოჩნდება“.  

ცნობილია, რომ ვანგა სირიას „ყველაფრის გასაღებს“უწოდებდა და ეს მაშინ გაკვირვებას იწვევდა, თუმცა, ვარაუდობენ, რომ ვანგა ამ ქვეყანას იმიტომაც ანიჭებდა დიდ მნიშვნელობას, რომ ბიბლიას კარგად იცნობდა და სწორედ სირიაა, ბიბლიის მიხედვით, ის ადგილი, სადაც პირველად დაიღვარა ადამიანის სისხლი, როცა კაენმა აბელი მოკლა.

უნდა ითქვას, რომ ვანგას წინასწარმეტყველება სირიის დაცემის პროგნოზის შემდეგ მთლიანად იმედიანია:

„სიცრუე გაქრება დედამიწიდან, არ იქნება ძალადობა და ქურდობა. შეწყდება ომები, კაცობრიობა გაიგებს მშვიდობის ფასს და გაუფრთხილდება მას. დედამიწა კეთილისმყოფელთა დროში გადადის“, - ამბობდა ვანგა.