2015-03-11 11:02

თელავში მომხდარ მკვლელობასთან დაკავშირებით, შინაგან საქმეთა სამინისტროს საზოგადოებასთან ურთიერთობის სამსახურის უფროსი ნინო გიორგობიანი „ფეისბუქის“ პირად გვერდზე წერს, რომ მკვლელობაში ბრალდებული პოლიციელი, რომელიც შემთხვევის ადგილიდან გაიქცა, დაკავებულია.

ძმები ანდრო და ირაკლი ბოჭორიშვილები გუშინ  საკუთარ საცხოვრებელ სახლთან ჩაცხრილეს.

ანდრო ბოჭორიშვილი ადგილზე გარდაიცვალა, ირაკლი კი თელავის რაიონულ საავადმყოფოში მძიმე მდგომარეობაშია.

როგორც „ამბები.ჯი“-სთან საუბარში ბოჭორიშვილების მეზობლებმა აღნიშნეს, პოლიციის თანამშრომელს ანდრო და ირაკლი ბოჭორიშვილების ვალი ჰქონდა.

ძმები სახლთან ავტომანქანის ზეთს ყიდდნენ. პოლიციელს რამდენჯერმე ზეთი შეუცვალეს.

დილით სთხოვეს, რომ თანხა გადაეხადა. მან ეს შეურაცხყოფად მიიღო.

ცოტა ხნის შემდეგ ნასვამ მდგომარეობაში მივიდა, იარაღი ამოიღო და ორივეს ესროლა.

ანდრო ადგილზე დაიღუპა.