2014-12-02 08:28

ჩრდილოეთ კალიფორნიაში ბურგერ კინგის მენეჯერის ასისტენტმა მილიონი დოლარი იპოვა და ამის შესახებ პოლიციაში განაცხადა, რათა ნაპოვნი რეალური პატრონისთვის დაებრუნებინა, მაგრამ ჯერ-ჯერობით განცხადებას არავინ გამოხმაურებია.

მენეჯერის ასისტენტმა საშისტა ბაკავლამ თქვა, რომ მან ლურჯი ჩანთა სან ხოსეს (რესტორნის) შესასვლელთან, ოთხშაბათ დილით შენიშნა.

როცა ჩანთა მოგვიანებითაც იმავე ადგილას დახვდა, დაწესებულების პატრონს დაურეკა და აცნობა დაკარგული ნივთის შესახებ. პატრონმა ჩანთა გახსნა, იმ იმედით რომ პირადობის მოწმობას ან მობილურის ნომერს იპოვიდა, სანაცვლოდ კი მილიონი დოლარის ოდენობის ნაღდი ფული აღმოაჩინა.

მალე ოფიცრებიც გამოჩნდნენ და ჩანთა გაჩხრიკეს, მასში ფულის გარდა ტკბილეულობა, ცოტაოდენი მარიხუანა და ბანკის დეპოზიტიც აღმოჩნდა. პოლიცია ამჟამად ბანკთან თანამშრომლობს, რათა ჩანთის პატრონს მიაგნოს.