2014-11-17 13:13

„ქართული რეფორმების ნათლია“, – ასე მოიხსენიებს ამერიკული გამოცემა The Washington Post -ი კახა ბენდუქიძეს.

გამოცემის მიერ მომზადებულ სტატიაში წერია, რომ ლიბერალური რეფორმების ავტორმა, რომელმაც საქართველოს პოსტსაბჭოთა ეკონომიკა გარდაქმნა, ლონდონში გარდაიცვალა.

სტატიაში ასევე ხაზგასმულია, რომ 2014 წლის მაისში კახა ბენდუქიძე უკრაინის პრეზიდენტის პეტრო პოროშენკოს მრჩევლად დაინიშნა ლიბერალური რეფორმების გასატარებლად. სტატიის ავტორი კახა ბენდუქიძის ბოლო ინტერვიუსაც იხსენებს, სადაც ის ამბობდა, რომ უკრაინის ეკონომიკა იმდენად სავალალო მდგომარეობაშია, რომ მთელი სისტემის გარდაქმნა გადარჩენის საქმეა.

"რუსთავი-2"