2014-06-18 17:07

იმ ორი კვირის შემდეგ გამობრძანდნენ და ცოტა ჭკუაზე მოვიდნენ. თორემ ისევ ჩარჩებიან იქ, სადაც იყვნენ 9 წელიწადი,-ამის შესახებ რეჟისორმა ქეთი დოლიძემ News.ge-ს განუცხადა. დოლიძემ კომენტარი ადგილობრივი თვითმმართველობის  არჩევნების შედეგების პირველადი მონაცემების შესახებ გააკეთა.

„2 წლის წინ რომ მთელი საქართველო გამოვიდა, 9 წელიწადი რომ ვიყავით უბედურებაში და იმის მოსპობას ხმა მისცა, რა დაეტაკათ გუშინ რომ არ გამოვიდნენ არჩევნებზე? ნარმანიამ ნამდვილად მოიგო , მაგრამ სხვა პარტიებსაც იგივე მდგომარეობა აქვთ, იმიტომ რომ არ მოვიდა ხალხი არჩევნებზე. საარჩევნო უბნები ცარიელი იყო. რატომ იყო ცარიელი? ჩვენ ვიცით, რომ ადგილობრივ არჩევნებზე აქტიურობა იმ უბედურებას, რაც 9 წელი იყო, ბოლოს მოუღებდა.

რატომ არ მოვიდა ხალხი არჩევნებზე? რას აკეთებდნენ? სამზარეულოებში ისხდნენ და წვრილ-წვრილ სიგარეტებს აბოლებდნენ? ამ ქართველებს არაფრის შეგრძნება არ აქვთ მოქალაქეობრივი. ერთმა კაცმა გადაატრიალა ყველაფერი, რას ელოდნენ ვერ გავიგე? ხელის განძრევა რომ არ უნდათ, რას და ვისგან ელოდებიან?

იმ ორი კვირის შემდეგ გამობრძანდნენ და ცოტა ჭკუაზე მოვიდნენ. თორემ ისევ ჩარჩებიან იქ, სადაც იყვნენ 9 წელიწადი. ჩემი თანამემამულეების მიმართ ძალიან გაბრაზებული ვარ. ეს არ არის „ქართული ოცნების“ ბრალი, ეს ხალხის ბრალია. იმიტომ რომ, ამათ უნდათ, შოშიებივით ისხდნენ და პირში ჩაუდონ საჭმელი-ეს უნდათ ქართველებს“,-აცხადებს რეჟისორი.

http://news.ge/ge/news/story/93783-ra-daetakat-gushin-rom-ar-gamovidnen-archevnebze-samzareuloebshi-iskhdnen-da-tsvril-tsvril-sigaretebs-abolebdnen?fb_action_ids=583887808396600&fb_action_types=og.comments