2014-06-16 13:37

ხონში „ნაციონალური მოძრაობის“ მიერ დასახელებულმა გამგებლობის კანდიდატმა, რომელსაც არცერთი წინასაარჩევნო შეხვედრა თავად არ გაუმართავს, არჩევნების მეორე ტურში გასვლა შეძლო. ზურაბ ჯიბუხიამ, რომელიც 2014 წლის თებერვალში დააპატიმრეს, ხმების 42,1% მიიღო.

როგორც „ინტერპრესნიუსი“ ხონის საარჩევნო უბნებიდან მიღებული ოქმების შედეგებზე დაყრდნობით იუწყება, ზურაბ ჯიბუხია 4%-ით ჩამორჩა ხონში გამგებლობის კანდიდატად „ქართული ოცნების“ მიერ წარდგენილ ჯემალ მებუკეს, რომელმაც ხმების 46, 8 % მიიღო.

შეგახსენებთ, რომ ზურაბ ჯიბუხია 2014 წლის თებერვალში, ხე-ტყის უკანონოს მოპოვების საქმესთან დაკავშირებით დააკავეს და ამ დრომდე პატიმრობაში რჩება.