2015-07-27 00:42

შვენინგენის ტურნირის ფინალში საქართველოს პირველი ჩოგანი ნიკოლოზ ბასილაშვილი მსოფლიო კლასიფიკაციაში 122-ედ განთესილ რუს სპორტსმენს ანდრეი კუზნეცოვს შეხვდა და 2 საათისა და 18 წუთის განმავლობაში გაგრძელებულ ორთაბრძოლაში დაამარცხა. 

რუს სპორტსმენს მეორე სეტში მატჩ-პოინტი ჰქონდა, მაგრამ მისი რეალიზება ვერ შეძლო. ჰოლანდიის ქალაქში Challenger კატეგორიის შეჯიბრი ტარდებოდა და მისი საპრიზო ფონდი 42.500 ევრო იყო.

ამ გამარჯვებამ ქართველ სპორტსმენს 6.150 ევრო და 90 სარეიტინგო ქულა მოუტანა. თუ ტურნირამდე ბასილაშვილი 118-ე იყო მსოფლიო რეიტინგში, მისი განახლების შემდეგ ქართველი სპორტსმენი, პირველად მისი კარიერის განმავლობაში, 90-ე ადგილზე აღმოჩნდება. 

"აფხაზეთის ხმა" ულოცავს ნიკოლოზ ბასილაშვილსა და სრულიად საქართველოს ამ გამარჯვებას.