2015-04-13 16:21

ავტოსაგზაო შემთხვევა მსხვერპლით დასრულდა აბაშა-ჯაპანის საავტომობილო გზაზე - "ნისანის" მარკის ავტომანქანა არხში გადავარდა, მანქანაში მყოფი 6 ადამიანიდან 4 დაიღუპა.

უბედური შემთხვევის მიზეზი, სავარაუდოდ, ცუდი ხილვადობა გახდა: სამეგრელოში დილიდან წვიმს და ნისლია. ავტომანქანაში მსხდომნი ოჯახის წევრები და ნათესავები იყვნენ, შემთხვევა მაშინ მოხდა, როცა ოჯახი სასფლაოდან ბრუნდებოდა. 

წყალში გადავარდნილი ავტომანქანიდან მხოლოდ ორმა მოახერხა ამოსვლა, ოთხი დაღუპულის ცხედრები არხიდან უკვე ამოიყვანეს, მიმდინარეობს ექსპერტიზა. 

შენიშვნა: მიმაგრებული ფოტო არ ასახავს მომხდარ ფაქტს და წარმოადგენს შემთხვევის ილუსტრაციას