2014-11-25 08:32

დღეს კბილების იმპლანტაციის ოპერაციას მოწინავე ადგილი უჭირავს იმ მომსახურებათა შორის, რომლებსაც თანამედროვე სპეციალიზებული სტომატოლოგიური კლინიკები პაციენტებს სთავაზობენ.

თანამედროვე სტომატოლოგიაში იმპლანტაციას უწოდებენ როგორც მიზნობრივ მიმართულებას, ასევე ცალკე აღებულ ოპერაციას, რომელიც ერთდროულად რამდენიმე მიზანს ისახავს.

თავდაპირველად, ეს პაციენტისთვის ფიზიოლოგიური ნორმის დაბრუნებაა - ნებისმიერ სიტუაციაში დაკარგული კბილების დაბრუნება, მათი აღდგენა. ამავე ოპერაციის მთავარი მიზანია დაუბრუნოს ადამიანს ფსიქოლოგიური თავდაჯერებულობა, ასევე სახის გარე აღწერილობის გამოსწორება ესთეტიკური თვალსაზრისით.

კბილების იმპლანტაციის პირველი გამოცდილება 1956 წლიდან არსებობს და ეს დოქტორ ბრანემერის დამსახურებაა, რომელმაც შეძლო მსოფლიოში პირველი იმპლანტანტის ჩასმა.

სწორედ მაშინ შესძლეს ექიმებმა იმის დამტკიცება, რომ კბილების იმპლანტაციის პროცესი მედიცინისთვის სრულიად რეალურია და და ეფუძნება ძვლის ქსოვილებში ტიტანის შერწყმას. ამ სფეროში პიონერები შვედი ექიმები არიან და სწორედ ამ პერიოდიდან იღებს სათავეს სტომატოლოგიის მიმართულება - იმპლანტაცია.

და მაინც, რა არის იმპლანტანტი? ეს გახლავთ ტიტანის სტრუქტურა, რომლის გარეგნობა ხრახნს (ე.წ. ვინტს) მოგაგონებთ. ეს სტრუქტურა ინერგება ძვალში, რის შემდეგაც ის თავად ხდება საყრდენი ცალკეული კბილისა თუ ორთოპედიული კონსტრუქციით დამზადებული პროთეზისთვის. ეს ტექნოლოგია წლების განმავლობაში არ იცვლება, პრაქტიკულად, ის არ ექვემდებარება ნოვაციას.