2014-11-01 23:59

საქართველოს პარლამენტის თავმჯდომარე დავით უსუფაშვილი აცხადებს, რომ მაინცდამაინც სწორი საქციელი არაა, როცა თავდაცვის მინისტრი უცხოეთში კოლეგებს ნატოს საკითხზე ხვდება და ამ დროს პირველ ნიუსად თანამსრომელთა დაკავების შესახებ შეიტყობს.

"როდესაც დილით აფრინდა თავდაცვის მინისტრის თვითმფრინავი და იგი საფრანგეთსა და გერმანიაში ნატო-ს საკითხებზე კოლეგებთან შეხვედრაზეა, ჩემი აზრით, არ არის ეს სწორი საქციელი, რომ ამ ვითარებაში ბერლინში ან პარიზში მინისტრმა პირველ ნიუსად, მისი თანამშრომლების დაკავების შესახებ შეიტყოს.

პროკურორს მე ვერ ვეტყვი რა უნდა გააკეთოს, მაგრამ ის როდესაც ებრძვის კორუფციას, ისიც უნდა იცოდეს, რომ რაღაც მნიშვნელოვანი არ დააზიანოს. არ მინდა დავიჯერო, რომ ვინმემ სპეციალურად, ალასანია რომ გაფრინდა მაშინ გამოიტანა ეს საკითხი საჯაროდ. რომ გავითვალისწინოთ ამ ტიპის საკითხები და თავიდან ავიცილოთ ზედმეტი აჟიოტაჟები, რა თქმა უნდა, სწორი და კარგი იქნება", - განაცხადა დავით უსუფაშვილმა "საზოგადოებრივი მაუწყებლის" ეთერში.