2014-10-29 11:56

ტელეწამყვანი ინგა გრიგოლია გოგა ხაინდრავას კიდევ ერთხელ ეხმიანება და მისი ინტერვიუს პათოსიდან გამომდინარე ინტერესდება, ვისგან რა დავალება აქვს მიღებული. ინგა გრიგოლია წერს, რომ გოგა ხაინდრავასთვის სამწუხაროდ, "რეაქცია" კიდევ დიდხანს იქნება ეთერში.

გოგა ხაინდრავამ ინტერვიუ "ამბები.ჯი"-ს მისცა, სადაც აცხადებს, რომ "მიხეილ სააკაშვილი ინგა გრიგოლიას ბელადია": 

"სააკაშვილი არის და ყოველთვის იყო გრიგოლიას ბელადი. უფლება აქვს გრიგოლიას, ემსახუროს სააკაშვილს, მაგრამ მოსწონს თუ არა ეს არხის ხელმძღვანელობას, თავად უნდა გაარკვიონ";

"მოქალაქე გრიგოლიამ სრულად დაადასტურა ის ყველაფერი, რაც მე ვთქვი. მე ვთქვი, რომ ის არის პოლიტიკურად ანგაჟირებული. მან ეს იმით დაადასტურა, რომ ქობულეთის შეხვედრა და კონკრეტულად, ბიძინა ივანიშვილი ახსენა პასუხის გაცემისას. ჩემთვის კარგად არის ცნობილი, ვისი პოლიტიკური დღის წესრიგია აბორტებიდან დაწყებული სინგაპურის მიწისძვრით დამთავრებული, ყველაფრის ბიძინა ივანიშვილზე დაბრალება. ესენი არიან ნაციონალები და სწორედ მათი დაკვეთა შეასრულა ინგა გრიგოლიამ. ბიძინა ივანიშვილს და ქობულეთის შეხვედრას ჩემს განცხადებებთან კავშირი არ აქვს", - ამბობს გოგა ხაინდრავა.

ინგა გრიგოლია გოგა ხაინდრავას ისევ "ფეისბუქით" პასუხობს:

"ხაინდრავას ახალი გამონათება))))კაცი რა დღეშია...აღარ მალავს,პირდაპირ ,,იმედის,, დამფუძნებლებთან რომ აპროტესტებს ჩემს არსებობას....რა დავალება მიიღო ასეთი???(ოღონდ ერთი ლაფსუსი-წინა ინტერვიუში ამბობდა,ინა გუდავაძეს საერთოდ არ ვიცნობო,აქ კი წერს,რომ პირადად დგამს მათთან თურმე ისტერიკებს ჩემზე)))))))) რა საწყენიაღმოჩნდება ხაინდრავასთვის,როცა გაარკვევს,რომ ,,რეაქცია,, კიდევ დიდხანს იქნება ეთერში".