2014-09-03 12:04

ირაკლი ვაჭარაძე დიჯეი დაჩი დარჩიას მკვლელობის ფაქტსა და მის გარშემო განვითარებულ მოვლენებს ეხმიანება და წერს, რომ უამრავი შეკითხვა არსებობს, რომლებსაც პასუხი უნდა გაეცეს. არასამთავრობო სექტორის წარმომადგენელი ამ შეკითხვებს აყალიბებს და „ფეისბუქზე“ აქვეყნებს.

"ბოდიში, იურისტი დედისა და გამომძიებელი მამის კვალს მივყვები: 

1. სად არის სომხური ეკლესიის კადრები (რომელიც სკვერს, მკვლელობის ადგილს რამდენიმე ადგილიდან იღებს. იქ კამერები ახალი დაყენებულია)?

2. რატომ იმალებიან მოწმეები და არ გვეუბნებიან რა და ვინ ნახეს იქ ღამე მოქეიფე?

3. რატომ შეცვალა სასტუმრო ჯორჯიან პალასმა ჩვენება და ამბობს რომ მილორავა იქ ისვენებდა? თუ ასეა რატომ ვერ წარმოადგინეს სტუმრების ჩანაწერების წიგნი, გადახდის ქვითარი და ა.შ.

4. სქაი ბარში იმ ღამეს უამრავი ადამიანი იყო. ნუთუ ერთს მაინც არ აღმოაჩნდება გამბედაობა გვითხრას იყო თუ არა სინამდვილეში მილორავა იქ? 

5. რა ჯიპი მივიდა ღამე, მკვლელობამდე ცოტა ადრე ბართან და რატომ ახლდა მას პოლიციის ესკორტი?

6. რამდენი ნამდვილი მოწმე ყავს გამოძიებას და სადაა მოწმეთა ჩვენებები?

7. რას ამბობს მკვლელი: რა მინდოდა ღამის 3ზე სკვერში, დიდი დანით ხელშიო? რატომ მივედიო? უბრალოდ ვბირჟაობდიო? ნამდვილად იჯდა იმ სკვერში? კაი რატომ მოკლა არ ახსოვს, მაგრამ იქ როგორ გაჩნდა ის ხომ იცის?

8. გვაქვს ვიდეო რომელიც ადასტურებს რომ დაჩი ნამდვილად შევიდა სკვერში? რატომ უგონებენ რომ იქ შევიდა? 

9. რამდენი ადამიანი ყავს დაჭრილი ამ მკვლელს და რა უბანში ხდებოდა ხოლმე ეს ძირითადად?

10. იყო თუ არა უშიშროება მისული ბარის მფლობელთან, მას შემდეგ რაც ის საავადმყოფოდან მიბრუნდა ბარში იმ ღამეს? ვინ იყო დარჩენილი ამ დროს ბარში და სადაა ეს ხალხი?

11. რამდენად დაჩქარებული მეთოდით გამოვიდა ბარის მფლობელი ციხიდან ბესელიას ამნისტიით? რაიმე ვალდებულებას ხომ არ აკისრებს მას ოცნების წინაშე ეს გარემოება?

12. ვიცით სადაა დაცვა რომელიც იმ ღამეს მორიგეობდა? გვაქვს მათი ჩვენებები? არა? რატომ? 

13. ყველაზე მნიშვნელოვანი: არავის გაეჭვებთ ის გარემოება რომ მკვლელის იურისტი ამბობს მოწმეები დაიკითხნენ და ჩემი დაცვის ქვეშ მყოფი ლამის უდანაშაულოაო? მართლა დაიკითხნენ? ნამდვილად? ყველა? ...

14. სად არის სრული ჩანაწერი ბარის შესასვლელი კამერის და ქუჩის კამერების? 

15. რა ურთიერთობა აქვთ რატი მილორავას და მკვლელ გრძელიშვილს? რა უბანში ცხოვრობს ეს მკვლელი და საიდან გაჩნდა იქ, იმ ღამეს ნეტავ? ვითომ არ არიან ნაცნობები ერთმანეთის? რომ აღმოჩნდეს რომ არიან, მერე?

ამ და სხვა უამრავ კითხვაზე ბევრს ვიტრიალებთ, მანამ სანამ პოლიტიკოსები დუმხართ. თქვენ გეკისრებათ პასუხისმგებლობა გამოხვიდეთ და თქვათ რომ რაღაც აყროლდა დანიის სამეფოში. 
ეს არ არის ხუმრობა. ეს არის გირგვლიანი 2 გამეორების საფრთხე. ახლანდელი დუმილი ხვალ ძვირად დაუჯდება თითოეულ პოლიტიკოსს.

მე და ბევრი სხვა გულწრფელად აღშფოთებული ადამიანი კი უკვე უამრავ ინფორმაციას ვფლობთ და ყველას ნამდვილად ვერ მოგვკლავენ. სჯობს თავად სახელმწიფომ მოხადოს ხუფს თავი, ვიდრე მე ან სხვებმა გავაკეთოთ ეს. გელოდებით“, - წერს ირაკლი ვაჭარაძე.