2015-06-08 06:01

მამა ილია ვაშაკიძე ბოლო პერიოდში სასულიერო პირების, მათ შორის მაღალ იერარქიაზე მდგომი ეკლესიის მსახურების საბჭოთა წარსულის ირგვლივ ატეხილ განხილვას ეხმიანება და „ფეისბუქზე“ განმარტავს, რომ მაცხოვრისკენ გეზი უნდა ავიღოთ მხოლოდ ევქარისტიული კავშირის არწყვეტით. 

„ქრისტეს მიერ საყვარელო ძმებო და დებო, სულ რომ ღვთის პირიდან გავარდნილი კგბ-შნიკი იყოს პირველი იერარქი, მე მასთან ევქარისტიულ კავშირს არავითარ შემთხვევაში არ გავწყვეტ და რატომ იცით?? მე ვინმე კაცთან კი არ ვიმყოფები ევქარისტიულ კავშირში, მე ეპისკოპატის მეშვეობით და, ასე ვთქვათ, შუამდგომლობით ევქარისტიულ კავშირში ვიმყოფები დედა ეკლესიასთან, რომელიც ქრისტეს ცოცხალი სხეული გახლავთ და მისი თავი თვით უფალი ღმერთი და მაცხოვარი იესო ქრისტეა..

ახლა გასაგებია თქვენთვის ჩემი პოზიცია?? არ დაიწყოთ ახლა ესაო და ისაო.. ღმერთმა დაგლოცოთ.. ევქარისტიული კავშირის არწყვეტით ავიღოთ გეზი ქრისტესკენ, დავანებოთ თავი ადამიანების გაკერპებას და მლიქვნელურ კაცთმოთნეობას.. გთხოვთ მომიხსენიოთ ლოცვებში..

P.S.: ევქარისტიული კავშირი კგბ-სთან არა გვაქვს, ქრისტიანებო.. ევქარისტიული კავშირი თვით ქრისტესთან გვაქვს.. მადლობელი ვიქნები უფლისა, თუ ამ ჩემს სტატუსს სიღრმისეულად გააანალიზებთ, სიღრმისეულად, ქრისტესმიერ ჭრილში და არა ისე, როგორც პოლიტიკოსები ანალიტიკოსობენ წინასააჩევნოდ..

თუ ვინმე კგბ-შნიკი არის მღვდელმთავართა შორის, ცხოვრებაში ყველაზე ბრძნული და ქრისტიანული გადაწყვეტილება მათი მხრიდან ის იქნება, რომ ეს სახალხოდ აღიარონ და სახალხოდვე შეინანონ, რამეთუ ხალხის წინაშე ჩადენილ ცოდვას სახალხოდ აღიარება სჭირდება..

მერე კი ვისაც ხალხი და დედა ეკლესია ჩათვლის ღირსად, ისინი დარჩებიან მღვდელმთავრის ხარისხში.. ვინც არა და წავიდნენ წითელ მოედანზე და ვალოდიას მავზოლეუმში დააყენონ თავისი კგბ-შნიკური მსახურებები..

ამ სტატუსის არსი ის გახლავთ, რომ საპატრიარქო არამც და არამც არ უნდა იყოს რუსეთის სპეცსამსახურების ფილიალი.. ნუ იყოფინ!. გასაგებია?? ხალხით შედგება დედა ეკლესია და არა მხოლოდ მღვდელმთავრებით.. გაიხარეთ.. ყველა მიყვარხართ..“, - წერს მამა ილია ვაშაკიძე.